සිංහල  හෝඩියේ විකාශනය

සිදත් සඟරාවේ හෝඩිය

සිංහල භාෂාව යනු ලෝකයේ දීර්ඝත ම ඉතිහාසයක් හිමි භාෂාවකි . සිංහල අක්‍ෂර මාලාවට ද දීර්ඝ ඉතිහාසයක් ඇත . පළමු වරට සිංහල හෝඩියක් හමුවන්නේ 13 සියවසයේ  කලිකාල සාහිත්‍ය සර්වඥ පණ්ඩිත ලෙස හැදින්වූ දෙවන පරාක්‍රමබාහු රජු සමයේ දී විසූ දේවපතිරාජ හිමි විසින් ලියූ සිදත් සඟරාවෙහි ය .

මෙහි ස්වර දහයක් හා ව්‍යඤ්ජන විස්සක් අැත . 

ඉහත හෝඩියේ (ඇ) සහ (ඈ) යන අක්‍ෂරත් විසර්ගයත් දක්නට නොලැබේ . නමුත් එකල ව්‍යවහාරය්‍ෙ

එම අක්‍ෂර තිබෙන්නට ඇති බව විද්වත්හු පවසති .

ශුද්ධ සිංහල / එළු හෝඩිය‍

පන්සල් සිංහල හෝඩිය‍

ම‍ෙහි සම්පූර්ණ අක්‍ෂර පනහක් වන අතර ස්වර 16 ක් හා ව්‍යඤ්ජන 34 ක් එහි ඇත . පාලි හා සංස්කෘත භාෂා ලිවීමට යොදාගන්නා සිංහල අකුරු මාලාවයි .

විස්තෘත ( මිශ්‍ර ) සිංහල හෝඩිය‍

මිශ්‍ර සිංහල හෝඩිය අක්‍ෂර 54 කින් යුක්ත වේ . 

වර්තමාන සිංහල අක්‍ෂර මාලාව

ලේඛන පිළිබද ව වියවුල් පැවතීම නිසා 1989 දශකයේ දී ජාතික අධ්‍යාපන ආයතනය විසින් ලේඛණ රීතිය නම් පොතෙන් හඳුන්වා දෙනු ලැබීය . මෙහි අක්‍ෂර 60 කි . ස්වර 18 හා ව්‍යඤ්ජන 42 අඩංගු වේ . සඤ්ඤක අක්‍ෂර ද එකතු කර ඇත .එස්‍ෙම තත්සම වචන ලිවීමට අවශ්‍ය උපත්මානිය (ෆ) ද අඩංගු වේ .

‍

ජේ.බී දිසානායකයන් සකස් කළ සිංහල හෝඩිය (විකීපීඩියාව ඇසුරෙනි)

ස්වර (17)

අ(සං) අ(වි) ආ ඇ ඈ ඉ ඊ
උ ඌ ඍ ඎ එ ඒ ඓ
ඔ ඕ ඖ

ව්‍යංජන(43)

ක ඛ ග ඝ ඬ ඟ
ච ඡ ජ ඣ ඤ ඥ ඦ
ට ඨ ඩ ඪ ණ ඬ
ත ථ ද ධ න ඳ
ප ඵ බ භ ම ඹ
ය ර ල ව
ශ ෂ ස හ ළ ෆ
(අං) (අඃ)

‍නවීන සිංහල හෝඩිය  (විකීපීඩියාව ඇසුරෙනි)

20, 21 සියවස තුල ක්‍රමිකව පරිනාමයව වර්තමානයේ අඩු වැඩි ලෙස යොදාගන්නා සිංහල අකුරු මාලාවයි. 

ස්වර

අ  අ' ආ ඇ ඈ ඉ ඊ

උ ඌ ඍ ඎ

( ඏ ඐ) වත්මන් සිංහල බසෙහි නොයෙදේ

එ ඒ ඓ ඔ ඕ ඖ

අර්ධ ස්වර

අං අඃ

ව්‍යංජන

ක් ඛ් ග් ඝ් ඪ ඟ්
ච් ඡ් ජ් ඣ් ඤ් ඥ්
ට් ඨ් ඩ් ඪ් ණ ඞ්
ත් ථ් ද් ධ් න් ඳ්
ප් ඵ් බ් භ් ම් ඹ්
ය් ර් ල් ව්
ශ් ෂ් ස් zස් හ් ළ් ෆ්

සඤ්ඤක

ඟ ඬ ඳ ඹ

                                   සිංහල අක්‍ෂර වර්ගීකරණය

සියලුම අක්‍ෂර උත්පත්ති ස්ථාන අනුව වර්ග කළ හැක . උත්පත්ති ස්ථාන අනුව ව්‍යඤ්ජනත් ස්වරත් වර්ග කළ හැක .

1. කණ්ඨජ - දිවේ මුල උගුර දෙසට ළං වීමෙන් උපදී .
2. තාලුජ - දිවේ මැද තල්ල දෙසට සමීප වීමෙන් උපදී .
3. මූර්ධජ - දිවේ අග මුදුන වෙත සමීප වීමෙන් උපදී .
4. දන්තජ - දිවේ අග උඩු දත් වැටියේ ස්පර්ශ වී උපදී . 
5. ඕෂ්ඨජ - යටිතොල හා උඩුතොල ආධාරයෙන් උපදී .

      * තවද (ව) හා (ෆ) අක්‍ෂර දන්ත ඕෂ්ඨජ ලෙස සලකනු ලැබේ .

      * ඞ , ඤ , ණ , න , ම යන අක්‍ෂර උච්චාරණයට නාසය උපකාරී වන නිසා නාසික්‍ය අක්‍ෂර ලෙස නම්                    කෙරේ .

      * ඟ , ඦ , ඬ , ඳ , ඹ යන අක්‍ෂර උච්චාරණයට අර්ධ වශයෙන් නාසය යොදා ගන්නා නිසා අර්ධානුනාසික්‍ය            ලෙස හැඳින්වේ .

තවද සියලුම අක්‍ෂර ඝෝෂ හා අඝෝෂ ලෙස වර්ග කළ හැක ( පින්තූරය බලන්න )

• සිංහල අක්‍ෂර මාලාව ප්‍රධාන වශයෙන් කොටස් දෙකකි .

           අ . ස්වර
           ආ . ව්‍යඤ්ජන

                ස්වර 

මෙහිදී ස්වර ලෙස හදුන්වන්නේ වෙනත් ශබ්දයක උපකාරය නොමැතිව තනිව උචිචාරණය කළ හැකි 

අක්‍ෂරයි . ස්වර 18 ක් සිංහල අක්‍ෂර මාලාවේ දක්නට ලැබේ .

      අ ආ ඇ ඈ ඉ ඊ උ ඌ ඍ ඎ ඏ ඏෟ එ ඒ ඓ ඔ ඕ ඖ 

මේ අතරින් (ඏ) හා (ඏෟ) යන ස්වර නුතනයේ භාවිතයේ දක්නට නොලැබේ .

• මෙම ස්වර ද දෙවර්ගයකි .

           අ . කෙටි ස්වර -       අ ඇ ඉ උ ඍ ඏ එ ඔ 
           ආ . දීර්ඝ ස්වර -       ආ ඈ ඊ ඌ ඎ ඏෟ ඒ ඕ

           ඇ . සංයුක්ත ස්වර - ඓ ඖ

සිංහල හෝඩියේ තවත් විශේෂත්වයක් වන්නේ (ඇ) හා (ඈ) යන අක්‍ෂරයි . එසේ (ඇ) හා (ඈ) යන ශබ්ද සදහා වෙනම ම අක්‍ෂර ඇත්තේ සිංහල හා වංග යන භාෂා වල පමණි .

               ව්‍යඤ්ජන 

1 . වර්ග අක්‍ෂර - 

වර්ගාක්‍ෂර 25 ක් සිංහල හෝඩියේ දක්නට ලැබේ . ඒවා ක වර්ගය , ච වර්ගය , ට වර්ගය , ත වර්ගය , ප වර්ගය ලෙස වර්ග 5 කි .

තවද මේ වර්ගාක්‍ෂර පහත ලෙස ද වර්ග කළ හැක .
       අ . මහාප්‍රාණ - ඛ ඡ ඨ ථ ඵ ඝ ඣ ඪ ධ භ
       ආ . අල්පප්‍රාණ - ක ච ට ත ප ග ජ ඩ ද බ
       ඇ . වර්ගාන්ත - ඞ ඤ ණ න ම

2 . සඤ්ඤක අක්‍ෂර - 

සඤ්ඤක අක්‍ෂර සෑදෙන්නේ වර්ගාන්ත හා අල්පප්‍රාණ අක්‍ෂර සංයෝජනය වීමෙනි .

3 . ඌෂ්මාක්‍ෂර - 

මෙම අක්‍ෂර උච්චාරණයේදී මුඛයෙන් වායු ධාරාව උණුසුම් ව නිකුත් වේ .
             අඃ ශ ෂ ස හ ෆ

4 . අනතඃස්ථාක්‍ෂර - 

අර්ධ ස්වර ලෙස ද හඳුන්වයි .මේවා ස්වර හා ව්‍යඤ්ජන අතර පිහිටයි .
ය ර ල ව

     ය් - ඉ
     ර් - ඍ
     ල් - ඏ
     ව් - උ

• සන්ධි වීමේදී ඇතැම් ස්වර අර්ධ ස්වර බවට පත්වේ .                                                                    උදා - බහු + අර්ථ = බහ් + උ + අර්ථ = බහ්වර්ථ                                                                                                 (මෙහිදී (උ) ස්වරය (ව්) ව්‍යඤ්ජනය බවට පත්වේ ) 

* තවද අනුස්වාරය(බිංදුව) හා විසර්ගය ද ව්‍යඤ්ජන සේ පිළිගෙන ඇත .

* සිංහල හෝඩිය්‍ෙ අවසාන අකුර වන (ෆ) අක්‍ෂරය උපත්මානිය නම් වේ . එය ඉංග්‍රීසි හා අරාබි භාෂාවලින්       සිංහලයට තත්සම වූ වචන ලිවීමට යොදාගනී ( ෆාමසිය )

* සඤ්ඤක අක්‍ෂරයක් වන (ඦ) වර්තමාන සිංහල ව්‍යවහාරයේ දක්නට නොලැබේ . 

* (ඥ) යනු සංයුක්ත අක්‍ෂරයකි . එය සෑදෙන්නේ (ජ) හා (ඤ) අක්‍ෂර සංයෝජනය වීමෙනි .